Ujumbe kutoka Hamburg-Ujeruman Watembelea Ofisi ya Mkuu wa Mkoa Dar es Salaam

Posted on: March 30th, 2022

Ujumbe kutoka Hamburg Ujeruman wakiwa katika picha ya pamoja na Sekretariate ya Mkoa ikiongozwa na  Dkt Rashid Mfaume wa kwanza kulia kwa walioketi.

Leo Machi 30, 2022 Ujumbe kutoka Hamburg - Ujeruman ukiongozwa na Wolfgang Gratz "Deputy Executive Director International Cooperation" wametembelea Ofisi ya Mkuu wa Mkoa wa Dar es Salaam na kupokelewa na Mganga Mkuu wa Mkoa Dkt Rashid Mfaume kwa niaba ya Katibu Tawala wa Mkoa huo.

Ujio wa wageni hao kutoka Jiji la Hamburg- Ujeruman ni muendelezo wa kudumisha mahusiano mazuri yaliyopo kati ya *Jiji la Dar es Salaam na Jiji la Hamburg-Ujeruman "Sister City Partnership" kwa takribani miaka 12 hadi sasa.

Aidha Ujumbe huo ulipata wasaa wa kubadilishana mawazo na Wataalam kutoka Sekretarieti ya Mkoa wakiongozwa na Dkt Rashid Mfaume, wakieleza Majukumu yanayofanywa na Idara na Vitengo katika Mkoa.

Vilevile Wataalam wa Sekretarieti waliweza kuwasilisha baadhi ya maeneo ya kisekta ambayo wakishirikiana na marafiki hao wa Ujeruman yanaweza kuboreshwa kwa masilahi mapana ya Wananchi wa Mkoa wa Dar es Salaam.

Ifahamike kuwa mahusiano hayo kati ya Jiji la Dar es Salaam na Jiji la Hamburg yameendelea kudumu kwa miaka 12  sasa ambapo mwaka huu inatarajiwa kufanyika sherehe ya kaadhimisha miaka 12 ya mashirikiano " Partinership"

Baadhi ya matukio katika picha wakati wa ujio wa Ujumbe kutoka Hamburg-Ujeruman katika ofisi ya Mkuu wa Mkoa mapema leo