RC Makalla TCCIA ni Mdau Mkubwa Katika Kujenga Uchumi wa Nchi

Posted on: August 9th, 2022

-Aufuata Uongozi wa TCCIA na Kufanya Kikao cha Kupokea Mipango na Kero

-Awataka Viongozi TCCIA Kuitangaza Tanzania na Kuvutia Biashara

-TCCIA wafurahia Utayari wa Serikali kuwafuata, na Kupokea mpango wa Uchumi wa Blue DSM

RC Makalla ameyasema hayo alipokutana na kufanya Kikao Kazi na Uongozi wa TCCIA leo Agosti 9,2022 PPF House Gorofa ya pili Mtaa wa Samora Jijini Dar es Salaam.

Mkuu wa Mkoa Mhe Amos Makalla amesema kwa kutambua kuwa TCCIA ni mdau muhimu katika Uchumi wa Nchi na Maelezo ya Rais Samia ni kuhakikisha wasidizi wake wanatatua Kero za Wafanyabishara ndio maana ametoka Ofisini kwake kuwafuata kusikiliza kero na Mipango yao katika kuboresha Sekta hiyo muhimu ya Biashara.

RC Makalla amewataka kushirikiana na Serikali katika kutafuta fursa za Masoko ndani na nje ya nchi, Kufanya kazi kwa karibu na TIC, Viongozi wa Chemba ya Biashara wakutane na wakuu wa Wilaya ili kutengeneza mahusiano mazuri na amewahakikishia hakutakuwa na urasimu tunataka kufanyika kwa uwekezaji na Biashara.

Aidha RC Makalla amesema amewatembela kuthibitishia dhamira ya Serikali ya kufanya kazi nao kwa karibu ni mategemeo yake kuwa TCCIA wanaenda kuwa mabalozi wazuri wa kuzitangaza bidhaa za Kitanzania ili kupanua mtandao wa Soko.

Kwa Upande wa TCCIA wamefurahishwa na Utayari wa Serikali kuwafuata kupokea Mipango yao ya Uchumi wa Blue, kusililiza kero na kuzitolea ufafanuzi