RC MAKALLA AIPONGEZA MANIAPAA YA UBUNGO KWA UJENZI WA VYUMBA VYA MADARASA

Posted on: December 14th, 2022

 - Ashuhudia Madarasa 27 yakiwa yamekamilika na 54 yapo hatua za mwisho.

- Asema Dkt. Samia Ameleta fedha nyingi Za miradi wataendelea kumshukuru Na kumpongeza

Mkuu wa Mkoa wa Dar es salaam Mhe. Amos Makalla ameonyesha kuridhishwa na Maendeleo ya Ujenzi wa Vyumba vya Madarasa Wilaya ya Ubungo ambapo ameshuhudia Vyumba 27 vya Madarasa Kati 81 Vikiwa vimekamilika na vyumba 54 Vikiwa hatua za mwisho kukamilika.

Akizungumza wakati wa mwendelezo wa ziara ya ukaguzi wa Ujenzi wa Madarasa Wilaya ya Ubungo, RC Makalla amepongeza Halmashauri hiyo Kwa Kasi ya Ujenzi waliyoonyesha na kuwataka Kuhakikisha kabla ya Disemba 25 Madarasa yote yanakamilika Kama walivyoahidi.

Aidha RC Makalla amempongeza Rais Dkt. Samia Suluhu Hassan kwa kuidhinisha fedha zaidi ya Shilingi Bilioni 1.62 kwaajili ya Ujenzi wa Madarasa 81.

Pamoja na hayo RC Makalla amemuhakikishia Rais Dkt. Samia kuwa kiasi Cha Shilingi Bilioni 12.3 kwaajili ya Ujenzi wa Madarasa 618yatakamilika kwa wakati ili kila Mwanafunzi asome katika Mazingira Bora.

Katika ziara hiyo RC Makalla ametembelea Shule Mpya ya Kata ya Mbezi itakayohudumia watu wa Msigani na Goba pamoja na Shule ya Kiluvya