RC Makalla Afungua Hotel ya Kisasa Kituo cha Mabasi cha Magufuli

Posted on: November 15th, 2022

- Ni hotel ya ubia katika ya Halmashauri ya Ubungo na Mwekezaji

- Amshukuru Rais Samia kutoa Bilion 50 kuwezesha ukamilishaji stendi ya Magufuli.

- Ataka makubaliano ya mkataba kuzingatiwa.

- Ataka hotel kuendeshwa kibiashara na kuonya "Vimemo"

- Akemea Wizi na uharibifu wa Vifaa Kituo Cha Magufuli

- *Halmashauri ya Ubungo yatakiwa kushirikiana na Wadau kuboresha mandhari ya Kituo Cha Magufuli.

Mkuu wa Mkoa wa Dar es salaam Mhe. Amos Makalla leo amezindua Hotel ya kisasa iliyopo ndani ya Kituo kikuu cha mabasi Cha Magufuli kwaajili ya wageni wanaoingia na kutoka kwenye Kituo hicho.

Akizindua hotel hiyo, RC Makalla ameelekeza hotel kuachwa ijiendeshe kibiashara ili kukuza mapato kwa Halmashauri ya Ubungo na kukemea watu kulala kwa "Vimemo".

Aidha RC Makalla ametaka uendeshaji wa hotel hiyo kuzingatia makubaliano ya kimkataba na uwazi katika kila kitu.

Hoteli hiyo Ina idadi ya vyumba 38 ambavyo vikijaa vyote itaingiza Shilingi Milioni 1.1 kwa siku, Milioni 30 kwa mwezi na Milioni 421 kwa Mwaka ambapo Halmashauri ya Ubungo itachukuwa Asilimia 60 na Mwekezaji Asilimia 40.

Pamoja na hayo RC Makalla ametumia Uzinduzi huo kukemea Wizi na uharibifu wa Vifaa kwenye hotel huku akielekeza Halmashauri ya Ubungo kutafuta Wadau watakaoboresha mandhari ya nje ya Kituo Cha Magufuli ikiwemo Ujenzi wa bustani na sehemu za kupumzika kulingana na hadhi ya Kituo