RC Makalla Aagiza Shule zote DSM Kushiriki Kufanya Usafi na Kupanda Miti katika Maeneo Yao

Posted on: January 28th, 2022

RC Makalla akikabidhi vifaa vya Usafi kwa Walimu mapema leo katika viwanja vya shule ya Msingi Zanaki Ilala DSM.

- Awaomba wananchi Kesho Jumamosi kushiriki usafi wa pamoja

- Agawa Vifaa vya Usafi kwa Shule zote za Sekondari na Msingi DSM

- Apongeza Zanaki Sekondari kuwa Mabalozi wazuri wa Usafi

-Ataka Maafisa Elimu kutoa Maelekezo au waraka katika kila Shule kufanya usafi na  kupanda miti

- NMB waahidi kuunga Mkono Kampeni za RC Makalla

- Wanafunzi washukuru na kuahidi kuendeleza Usafi DSM

Mkuu wa Mkoa wa Dar es Salaam Mhe. Amos Makalla leo Januari 28, 2022 amegawa Vifaa vya Usafi kwa shule za msingi na Sekondari DSM katika Viwanja vya shule ya msingi Zanaki Ilala-Dar es Salaam ikiwa ni muendelezo wa Kampeni ya SAFISHA PENDEZESHA DAR ES SALAAM.

RC Makalla ameyasema hayo leo  katika Shule ya Sekondari ya Zanaki wakati akipokea Vifaa vya Usafi kutoka Benki ya NMB na kuvigawa katika Shule zote za Msingi na Sekondari zilizopo Dar es Salaam

Hata hivyo  Mkuu wa Mkoa ameipongeza Shule ya Zanaki Sekondari kwa kuwa Mabalozi wazuri wa Usafi ambapo amesema Mazingira yao ni mazuri Sana na kuwataka kuendelea kuboresha Bustani na kupanda miti

Wakati huo huo RC Makalla amewataka  Maafisa Elimu kutoa Maelekezo kwa Shule zote kuanza Kampeni za Usafi wa Mazingira, upandaji wa miti na kuanzishwa kwa Mabustani*

Kwa upande wa NMB, Meneja wa Kanda ya Dsm Bwana  Donatus Richard ameahidi kuendelea kuunga Mkono juhudi zote za  RC Makalla

Nao Wanafunzi wa Zanaki wamesema wanamshukuru Sana Mkuu wa Mkoa wa Dar es Salaam na kuahidi kuendeleza Usafi majumbani na shuleni

Ikumbukwe kuwa Kampeni ya Usafi ulizinduliwa na Mhe. Amos Makalla tarehe 4 Desemba 2021 na kupokelewa vema na Wananchi wa Dar es Salaam

RC Makalla ametoa RAI kwa wakazi wa Dar es Salaam kushiriki Siku ya Kesho tarehe 29/01/2022 kufanya usafi wa pamoja katika maeneo yao, yeye ataungana na wakazi wa Manzese Manispaa ya Ubungo kufanya usafi wa pamoja

SAFISHA PENDEZESHA DAR ES SALAAM