RC Chalamila Aungana na Kampuni ya Simu Halotel Kufanya Usafi

Posted on: December 23rd, 2023

Mkuu wa Mkoa wa Dar es Salaam Mhe Albert Chalamila ameungana na kampuni ya simu Halotel kufanya usafi katika Soko la Makumbusho Wilaya ya Kinondoni Jijini Dar es Salaam.

RC Chalamila ameshiriki usafi wa pamoja na wafanyabishara wa soko hilo leo Desemba 23,2023 na kisha alipata wasaa wa kuzungumza na wafanyabishara wa soko hilo.

Akizungumza katika Soko hilo RC Chalamila ameagiza kila jumamosi katika masoko yote ya Mkoa huo kuanzia sasa kila jumamosi ya wiki ufanyike usafi wa pamoja ambapo ameelekeza usafi  ufanyike mapema ili kutoa fursa ya biashara kuendelea.

Aidha RC Chalamila amewashukuru viongozi wa Wilaya ya Kinondoni akiwemo Mhe Mbunge Abas Tarimba, Mstahiki Meya, Katibu Tawala wa Wilaya, Diwani wa Kata ya Makumbusho na wafanyabishara wote pamoja na Watu wengine walioshiriki kwa wingi katika zoezi hilo.

Vilevile ametoa shukrani kwa Kampuni ya simu ya Halotel kwa kuona umuhimu wa kushiriki kufanya usafi ambapo ametoa rai kuendelea kufanya hivyo katika maeneo mengine pia amewaomba kusaidia vifaa vya usafi(Dustbin) ambavyo vitawekwa katika soko hilo " Usafi unasaidia kujikinga na milipuko ya magonjwa ambayo gharama yake ni kubwa sana" Alisema RC Chalamila.

Mwisho RC Chalamila amesema Rais wa Jamhuri ya Muungano wa Tanzania Dkt Samia Suluhu Hassan anawapenda sana ni ukweli usiopingika kila mmoja wetu anaona dhamira yake kwa Taifa nitoe rai kuendelea kumuunga mkono.