RC Chalamila Asherekea Siku ya Kuzaliwa kwa Kutoa Zawadi Vituo 5 vya Makao ya Watoto

Posted on: May 3rd, 2024

-Awataka wamiliki wa vituo hivyo kutumia vile wanavyovipata kwa ajili ya watoto na si vinginevyo

Mkuu wa Mkoa wa Dar es Salaam Mhe Albert Chalamila leo Mei 3, 2024 amesherekea siku ya kuzaliwa kwake kwa kutoa zawadi katika vituo vitano vya makao ya kulelea watoto, tukio ambalo amelifanya katika kituo cha makao ya watoto CHAKUWAMA kijitonyama Wilaya ya Kinondoni.

RC Chalamila ametoa zawadi mbalimbali ikiwemo Sukari, mafuta ya kula, tende, unga, tambi, kanzu, taulo za watoto pamoja na ahadi ya Tsh 1,000,000/= kwa kila kituo kati ya vituo  vitano

" Ni kweli siku ya jana Mei 2, ilikuwa Siku yangu ya kuzaliwa hivyo nimeona leo niwatembelee watoto katika vituo hivi vitano kwa lengo la kuwasalimu na kuwatia moyo lakini pia tambueni kuwa Rais Dkt Samia anaguswa sana na makundi ya watoto wenye mahitaji maalum" Alisema RC Chalamila

Aidha RC Chalamila ametoa rai kwa wamiliki vituo vya makao ya watoto kuhakikisha kila wanachokipata kuelekeza kwa watoto na iwe kama sadaka sio vinginevyo.

Sambamba na hilo RC Chalamila amesema kumekuwa na lugha ya watoto wa mtaani lakini ni ukweli usiopingika hakuna mtaa unaozaa mtoto bali watoto wengi hutelekezwa na wengine kufiwa na wazazi wao lakini ndugu zao wapo, pamoja na hayo yote bado hatuwezi kuwaacha watoto hao wakiteseka