DSM Yashinda Tuzo ya Matumizi Bora ya Mifumo ya TEHAMA

Posted on: October 22nd, 2021

Sekretariati ya Mkoa wa Dar es Salaam imeibuka mshindi wa kwanza wa TUZO ya matumizi bora ya mifumo ya TEHAMA kwa mwaka 2021

Ushindi huo umetangazwa leo Oktoba 22, 2021 wakati wa kuhitimisha Mkutano wa tano wa mwaka wa TEHAMA-Tanzania uliofanyika katika Ukumbi wa Mikutano wa Kimataifa AICC Jijini Arusha.

Mkutano huo wenye kauli mbiu " Kujenga Taifa la Kidigitali " ulifunguliwa na Waziri Mkuu wa Jamhuri ya Muungano wa Tanzania Mhe Kasimu Majaliwa Majaliwa ambapo pamoja na mambo mengine zimetolewa TUZO mbalimbali kwa Taasisi zinazofanya vizuri katika tasnia ya TEHAMA.

Aidha kwa upande wa Sekretariati za Mikoa Nchini Tanzania Mkoa wa Dar es Salaam umeibuka mshindi wa kwanza na kujinyakulia TUZO BORA KWA SEKRETARIATI ZA MIKOA KATIKA MATUMIZI YA MIFUMO YA TEHAMA