Ibara ya 20(g) (ii) Kuelimisha Umma kuhusu fursa za kujiongezea Kipato kupitia Masoko ya Mitaji na Uwekezaji;
Mkoa umeweka mazingira mazuri na wezeshi kwa ajili ya maendeleo endelevu ya sekta ya viwanda, biashara na masoko kwa lengo la uzalishaji wa ajira hasa kwa wafanyabiashara wadogo. Lengo ni kuwafanya wafanyabiashara wadogo maarufu kwa jina la Machinga kuondokana na uchuuzi na kuwa wajasiriamali. Mkoa unalenga kuongeza idadi zaidi ya minada na magulio. Aidha, katika kuboresha maeneo ya biashara ndogo ndogo jumla ya masoko 8 yamekarabatiwa ambayo ni:-
Shekilango, na Sinza Makaburini katika -Halmashauri ya Ubungo,
Msufini, Kisiwani, Bunju A na Bunju B - Halmashauri ya Kinondoni
Kisutu, Buguruni, Tabata Muslim na Kigogo- Halmashauri ya Manispaa ya Ilala, na
Temeke Stereo –Halmashauri ya Manispaa ya Temeke.
Mkoa una mpango wa kujenga masoko ya kisasa katika maeneo ya Kisutu, Buguruni, Magomeni na Temeke stereo. Aidha, Mkoa kupitia Halmashauri zake pamoja na Mamlaka ya Maendeleo ya Biashara Nchini (TanTrade) umetoa mafunzo kwa wafanyabiashara wapatao 3,142 ili kuwajengea uwezo juu ya stadi za biashara, ujasiriamali na upatikanaji wa masoko ya ndani na nje ya bidhaa zao.
