Mapokezi ya Mwenge wa Uhuru katika Mkoa wa Dar es Salaam 07/07/2018
06 July 2018
TAARIFA YA MKUU WA MKOA WA DAR ES SALAAM MH. PAUL MAKONDA KWA VYOMBO VYA HABARI KUHUSU MAPOKEZI YA MWENGE WA UHURU
Ndugu Wananchi wa Mkoa wa Dar es Salaam
Mwenge wa Uhuru utawasili katika Mkoa wa Dar es Salaam tarehe 07/07/2018 ukitokea Mkoa wa Kusini Pemba. Aidha, Mwenge wa Uhuru utawasili Uwanja wa Ndege Terminal 1 saa 12:00 asubuhi. Mkuu wa Mkoa wa Dar es Salaam atawaongoza viongozi na wakazi wa Dar es Salaam kuulaki Mwenge wa Uhuru.
Ndugu Wananchi
Mwenge wa Uhuru utakabidhiwa kwa uongozi wa Wilaya ya Ilala saa 3:30 asubuhi na kuanza mbio zake katika Mkoa wetu kwa ratiba ifuatayo:-
Tarehe 07/07/2018 utakimbizwa katika Wilaya ya Ilala.
Tarehe 08/07/2018 utakimbizwa katika Wilaya ya Kigamboni.
Tarehe 09/072018 utakimbizwa katika Wilaya ya Kinondoni.
Tarehe 10/07/2018 utakimbizwa katika Wilaya ya Ubungo
Tarehe 11/07/2018 utakimbizwa katika Wilaya ya Temeke
Ndugu Wananchi
Kama ilivyo desturi yetu wakazi wote wa Mkoa wa Dar es Salaam mnaombwa kujitokeza kwa wingi katika maeneo yote ambayo Mwenge utapita na kukesha. Ujumbe wa Mwenge kwa mwaka huu ni:- ELIMU NI UFUNGUO WA MAISHA, WEKEZA SASA, KWA MAENDELEO YA TAIFA LETU
Ndugu Wananchi
Mwenge wa Uhuru utamaliza mbio zake hapa Mkoani tarehe 11/07/2018 na utakabidhiwa kwa Uongozi wa Mkoa wa Pwani tarehe 12/07/2018 saa 1:30 asubuhi mpakani mwa Dar es Salaam na Pwani katika eneo la Shule ya Msingi Juhudi iliyopo Kipala Mwandege .
WITO: Natoa wito kwa wakazi wote wa Dar es Salaam kujitokeza kwa wingi katika kuupokea Mwenge wetu wa Uhuru. Aidha nawaomba waajiri na wakuu wa Taasisi zote za Serikali kushiriki kikamilifu katika maeneo yao ya kazi katika kuulaki Mwenge wetu wa Uhuru.
