Elimu kuhusu haki na wajibu wa mtoto imetolewa katika shule za msingi 143 na Sekondari 52. Aidha, Watoto zaidi
65,000 wameshiriki katika maadhimisho ya Siku ya Mtoto Duniani ambayo hufanyika mwezi Juni ya kila mwaka.

Kila Halmashauri ya Manispaa imeunda baraza la watoto lenye wajumbe wasiozidi 60 kwa ajili ya kujadili masuala
ya maendeleo.

Club za watoto zenye lengo la kuelimishana zimeundwa katika shuleni za msingi 124 na nyingine 41 katika
mitaa ili kuwajenga watoto katika maadili mema na utunzaji wa mazingira.

Elimu ya athari za dawa za kulevya imetolewa kwa watoto na vijana 14,300 ukilinganisha na vijana/watoto 2,400
kwa mwaka 2005. Aidha kipo kituo kimoja cha kurekebisha tabia kwa vijana walioathirika na utumiaji wa
dawa za kulevya.

Hatua za kisheria zimechukuliwa dhidi ya watoto 58 wa mitaani waliokuwa wanakitumika katika ukahaba, majumbani
na mitaani.

Watoto 13,468 wanaoishi katika mazingira magumu wakiwemo wasichana 6,050 na wavulana 7,418 wametambuliwa
na wanapatiwa misaada ya kujikimu ikiwemo mahitaji ya shule, matibabu, matandiko, chakula, sabuni na viatu.

Kamati 158 zimeundwa ngazi ya mtaa ili kushughulikia matatizo ya watoto waishio katika mazingira hatarishi.
Aidha kamati hizo zimepatiwa baiskeli 916 ili kurahisisha utendaji kazi. Pia mafunzo mbalimbali yametolewa kwa
kamati zote 158 juu wajibu wa kamati na malezi ya watoto.